Në Klinikën Infektive, sot gjenden të spitalizuar gjithsej 56 pacientë.
Prej tyre, me Covid-19 janë gjithsej 43 raste, ndërsa janë në pritje të rezultateve për 10 raste.
Nga 43 raste të prekur me Covid- 19, 36 të sëmurë janë në gjendje stabile, ndërsa 6 prej tyre janë me oksigjenoterapi dhe përkujdesje intensive.
Një paciente ndodhet në kujdesin intensiv të klinikës dhe ka përkeqësim të gjendjes, është në ventilim mekanik.
Sa i përket stafit të Klinikës Infektive, të testuar pozitive me Covid -19 vazhdojnë të jenë 3 infermiere në gjendje të mirë shëndetësore, prej të cilave dy janë duke u trajtuar në klinikë ndërsa njëra është e vetëizoluar në shtëpi.