Deputeti nga radhët e LDK-së, Driton Selmanaj ka bërë të ditur se sapo ka bërë një denoncim në Policinë e Kosovës.
Ai përmes Facebook-ut shkruan se ka bërë padi ndaj atyre ‘që kanë gisht në fabrikimin, montimin dhe falsifikimin e kinse komunikimeve të mia me kolegët e LDK-së’.
Postimi i plotë:
Para pak minutash bëra denocimin në Policinë e Kosovës.
Dua të shprehë vlerësimet e mia për profesionalizmin e treguar nga ana policisë së Kosovës në identifikimin e personave që kanë gisht në fabrikimin, montimin dhe falsifikimin e kinse komunikimeve të mia me kolegët e LDK-së.
Shpifësit, mashtruesit, fabrikuesit, linçuesit do të përballen me organet e drejtësisë!
Ata nuk e meritojnë lirinë!