Asociacioni i Gazetarëve të Kosovës (AGK), ka kërkuar nga Radio Televizioni i Kosovës (RTK), që t’i ndërpres masat selektive ndaj gazetarëve.
Asociacioni i Gazetarëve të Kosovës (AGK), iu ka kërkuar drejtuesve të Radio Televizionit të Kosovës (RTK), që t’i ndërpresin masat selektive ndaj gazetarëve.
Sipas AGK-së, ka prova të mjaftueshme se ndaj punëtorëve të RTK-së po përdoren standarde të dyfishta.
“Drejtuesit e këtij mediumi po aplikojnë komisione dhe masa ndëshkuese vetëm ndaj një grupi të caktuar të gazetarëve, përderisa po i mbyllin sytë për rastet serioze të shkeljes së standardeve dhe etikës profesionale dhe cenimit të interesit publik”, thuhet ndër të tjerash në reagim.
Njoftimi i plotë i AGK-së, pa ndërhyrje:
Asociacioni i Gazetarëve të Kosovës ka marr me shqetësim njoftimin se ndaj disa kolegëve tanë në RTK, në mënyrë selektive, ka filluar procedura për marrjen e masave disiplinore.
AGK posedon prova të mjaftueshme se ndaj punëtorëve të RTK-së po përdoren standarde të dyfishta.
Drejtuesit e këtij mediumi po aplikojnë komisione dhe masa ndëshkuese vetëm ndaj një grupi të caktuar të gazetarëve, përderisa po i mbyllin sytë për rastet serioze të shkeljes së standardeve dhe etikës profesionale dhe cenimit të interesit publik.
AGK kërkon nga Menaxhmenti dhe Bordi i RTK-së më shumë transparencë në këtë proces dhe ndaljen e praktikave të tilla të presionit selektiv mbi gazetarë.
AGK kërkon vendosjen e ligjshmërisë dhe respektimin e standardeve etike dhe profesionale nga të gjithë pa dallim.