Deputeti i LVV-së, Mefail Bajqinovci, ka kujtuar përvjetorin e thyerjes së kufirit shqiptaro – shqiptar më 9 prill 1999, për të cilin thotë se i dha përgjigjen vendimtare shtetit serb dhe ushtrisë pushtuese të tij.
Bajqinovci e cilëson betejën e Koshares si ndër më të famshmet e më të lavdishme të historisë së luftës së UÇK'së.
Postimi i plotë:
Beteja e lavdishme e Koshares
Sot, bëhen 21 vjet nga thyerja e kufirit Kosovë-Shqipëri.
Thyerja e kufirit shqiptaro – shqiptar me 9 prill 1999 i dha përgjigjen vendimtare shtetit serb dhe ushtrisë pushtuese të tij.
Ky aksion ishte sinjal edhe për gjithë botën, se populli shqiptar i Kosovës, po kërkonte të drejtën e vet për të qenë i lirë në tokën e vet.
Beteja e Koshares, ka hyrë në pjesën më të lavdishme të historisë së Kosovës.
Ajo është ndër betejat më të famshme e më të lavdishme të historisë së luftës së UÇK'së. Do të shkruhet e kujtohet se si bashkimi i të gjitha forcave të kombit tonë formëson forcë të pamposhtshme nga armiku. Do të shkruhet e kujtohet se forca jonë kalon nga vlerësimi e mbështetja mbi dijet profesionale dhe jo nga volluntarizmi karrierist e tribal.
Lavdi të rënëve të betejës!
Mirënjohje e përjetshme, ushtarëve dhe oficerëve të kësaj brigade të lavdishme.
