Halilaj: Atentatin ndaj meje e bëri krimineli Sami Lushtaku

Aktuale

Halilaj: Atentatin ndaj meje e bëri krimineli Sami Lushtaku

Më: 14 prill 2020 Në ora: 20:42
Gazmend Halilaj

Avokati Gazmend Halilaj e ka drejtuar gishtin kah Sami Lushtaku për sulmin me armë zjarri që iu bë sot para shtëpisë së tij.

Ai për më tepër e ka quajtur edhe kriminel të ftohtë atë dhe tha se për këto deklarata publike është i gatshëm të mbajë përgjegjësi para gjykatës.

“Unë u sulmova para shtëpisë sime. Janë kamerat që kanë kapur momentin dhe policia i ka siguruar ato pamje. Ma kanë goditur veturën dhe kanë shtënë me armë në një distancë më pak se 1 metër”.

“Ka qenë së paku dy persona, por ka mund të ketë pasë edhe të tjerë. Kam hyrë në një autoservis dhe kam dalë nga dera e prapme e tij”.

Ai tha se prapa këtij sulmi është i sigurt se qëndron Lushtaku, pasi që sipas tij, për shkak se i ka publikuar keqpërdorimet e fondit të UÇK-së.

“Rastin e kam raportuar publikisht. Janë maskat e Samiut. E kam pasë komandant dhe nuk kam besim te ai prej se kanë filluar skandalet. Është e sigurt. Ata janë njerëz të Sami Lushtakut. Vrasjen në tentativë para shtëpisë sime e ka bërë krimineli Sami Lushtaku. Ai është një kriminel gjakftohtë”.

commentFirst article
Sot mund të lexoni Shfletoni kopertinat