Xhamia e fshatit Vërboc të komunës së Drenasit është djegur dhe demoluar gjatë ditës së shtunë nga persona ende të panjohur.
Kjo u bë e ditur nga Komuna e Drenasit, përmes një shkrimi në faqen zyrtare në Facebook.
Ndaj djegies së xhamisë ka reaguar deputeti i Vetëvendosjes, Eman Rrahmani, i cili e quan krim dhe kërkon që personat të vihen para drejtësisë.
Postimi i tij:
Djegia e Xhamisë në Drenicë, është një krim, ata të cilët e kanë bërë nje krim te tillë duhet menjëherë të dalin para drejtësisë. Organet e rendit duhet që menjëherë të marrin hapat për të zbuluar personat që kanë bërë këtë krim.