Albulena Haxhiu tregon për pazaret e Thaçit me partitë tjera politike

Aktuale

Albulena Haxhiu tregon për pazaret e Thaçit me partitë tjera politike

Më: 22 prill 2020 Në ora: 20:25
Albulena Haxhiu

Ministrja në detyrë e Drejtësisë, Albulena Haxhiu, ka deklaruar se frika nga shteti i së drejtës i ka mbledhur sot partitë që, sipas saj, të bëjnë pazare kundër vullnetit të qytetarëve.

“Ata që janë ndëshkuar në zgjedhjet e 6 tetorit dhe që nuk kanë mbështetje qytetare, nuk mund të udhëheqin me institucionet sepse s’kanë legjitimitet dhe nuk ua lejon Kushtetuta dhe Aktgjykimi i Gjykatës Kushtetuese”, ka shkruar Haxhiu në Facebook.

“Frika nga shteti i së drejtës, i ka bërë që të mblidhen e bëjnë pazare për interesat e tyre e në kundërshtim me vullnetin e qytetarëve!”, ka deklaruar, duke iu referuar takimit të sotëm të presidentit Hashim Thaçi me partitë politike.

Në mungesë të kreut të Lëvizjes Vetëvendosje, Albin Kurti, në këtë takim partinë e përfaqësoi Haxhiu.

commentFirst article
Sot mund të lexoni Shfletoni kopertinat