Sipas komandantit të Regjionit të Prishtinës, Fehmi Hotit tek qendra ishin raportuar incedente edhe më herët.
Forcat e rendit u shtuan të hënën te Qendra e Studentëve në Prishtinë.
Krejt kjo pasi këtu dy ditë më parë Agon Musliu nga Gjilani bëri vetëvrasje duke kërcyer nga kati i pestë.
Për të zbardhur këtë rast menjëherë është aktivizuar Prokuroria.
Media merr vesh tashmë janë intervistuar të gjithë dëshmitarët që ishin në vendin e ngjarjes.
Ndërkohë gjatë së hënës janë intevistuar edhe personat që kanë qenë të përfshirë në këtë rast, por edhe ata që kanë bartur të ndjerin nga Aeroporti në Qendrën e Studentëve.
Po ashtu prokuroria është duke bërë mbledhjen e gjithë dokumentacionit që lidhet me këtë rast
Sipas burimeve të T7 ky organ i akuzës e ka marrë listën e personave që janë futur deri më tani në karantinë.
Prokurorisë po i ndihmojnë edhe Policia e Prishtinës për ta ndriçuar rastin në fjalë.
Edhe kryetari i Gjilanit, Lufti Haziri po kërkon që sa më parë të zbardhet e vërteta.
Ndërkohë, në qendërn e Studentëve që është shndërruar në karantinë, incidente ka pasur edhe më herët.
Madje një gjë të tillë e konfirmon edhe komandantit i policisë regjionale të Prishtinës, Fehmi Hotit.
Gjatë së martës kishte telashe në qendrën e studentëve pasi disa nga të karantinuarit kishin pakënaqësi lidhur me testtimet për Covid-19.
Ndërkohë të hënën T7 ka raportuar se si janë larguar nga karantina persona të cilët nuk kishin drejtë të largohen.
