Ish-kryeministri i Kosovës, Ramush Haradinaj, ka folur mbi zhvillimet e fundit politike në Kosovë.
I pyetur për letrën që Albin Kurti i ka dërguar zëvendëspresidentit amerikan, Mike Pence, të cilit i është ankuar për të dërguarin special të Donald Trump për dialogun Richard Grenell, duke thënë se ky i fundit ka rënë viktime e planit të Thaçit për shkëmbim territoresh me Serbinë.
Kreu i AAK-së theksoi në një intervistë të dhënë për “Euronews Now” se nuk ka dijeni mbi përmbajtjen e kësaj letre dhe për këtë fakt shtoi ai, e ka të vështirë të flasë për këtë çështje.
“Unë isha i përgatitur për të folur për një temë tjetër, por megjithatë nuk di përmbajtjen e kësaj letre dhe e kam të vështirë ta komentojë për këtë letër”, tha Haradinaj.