Të martën u bënë tre javë që kur shtatzëna, Valentina Pitaqi dhe foshnja e pa lindur 28 javëshe humbën jetën pasi 40 vjeçarja u infektua me Covid 19.
Por pavarësisht se e ndjera kishte patur ndryshime dhe ishte kontrolluar edhe nga neurologët para se të vdiste, arsyet e sëmundjeve të saj nuk janë definuar plotësisht.
Kështu të paktën thonë në Prokurorinë Themelore të Gjakovës, e cila po heton rrethanat e trajtimit të saj para 21 prillit.
Këtij organi i kishte arritur një denoncim se komplikimet në tru i kishin ardhur pas përballjes me dhunë në familje.
