Ministri në detyrë, i Punëve të Jashtme dhe Diasporës, Glauk Konjufca ka thënë se hapja e kufijve për shtetet fqinje nga ana e Serbisë duke përjashtuar Kosovën është qasje diskriminuese.
Glauku këtë reagim e bëri përmes një cicerimi në Twitter ku shkroi:
“Qeveria e Kosovës dënon qasje e pabarabartë dhe diskriminuese të Serbisë ndaj Kosovës. Serbia ka hapur kufijtë për qytetarët e vendeve të regjionit por jo për qytetarët e Kosovës”.
Në anën tjetër, në Kosovë gjatë kohës së pandemisë një numër i madh i punonjësve serbë shëndetësor hyrën në territorin tonë, madje vetëm sot dhjetëra vetura me rreth 100 mjekë erdhën përmes pikës kufitare në Merdare.
