Nënkryetari i Partisë Demokratike të Kosovës, Memli Krasniqi, ka akuzuar Lëvizjen Vetëvendosje për punësime familjare.
Teksa ka kujtuar rastin e Adem Grabovcit të partisë së tij, Krasniqi ka thënë se tash VV’ja e Albin Kurtit po del, sipas tij, haptas sa i përket punësimit të familjarëve të pjesëtarëve të saj.
Sipas Krasniqit, 80 për qind të të vendosurve në borde janë familjarë.
“Nëse na keni thënë që neve po na fshehni, ne Grabovcin e kemi dëgjuar, atë e kemi larguar nga të gjithë funksionet. Këta tash po dalin haptas, në borde po e shohim çfarë po bën Rozeta Hajdari, 80 për qind të tyre janë familjarë”, ka deklaruar Krasniqi në Pressing, në T7.
