Analisti Rrahman Paçarizi ka deklaruar se rrethanat që kanë përcjellë punën 100-ditore të Qeverisë Kurti nuk kanë qenë normale dhe si e tillë është e vështirë të flitet për suksese apo fajësime.
Ai në emisionin Rubikon në Klan Kosova, ka thënë që Qeveria Kurti gjatë kësaj periudhe është detyruar të merret më tepër me menaxhimin e krizës shëndetësore si pasojë e shpërthimit të COVID-19.
Duke folur rreth raporteve të kryeministrit në detyrë Albin Kurti dhe presidentit Hashim Thaçi, Paçarizi tha se kreu i Lëvizjes Vetëvendosje ka një ‘lloj obsesioni ndaj Thaçit’.
“Kurti është i obsesionuar me Thaçin dhe çarja e madhe me LDK-në ndodhi kur Thaçi e provokoi situatën me shpalljen e gjendjes së jashtëzakonshme”, është shprehur ai.
