Që nga shpërthimi i COVID-19, forcat e armatosura Aleate kanë luajtur një rol të rëndësishëm në mbështetjen e përgjigjes së NATO-s ndaj pandemisë globale.
Në Kosovë, ekipe specialistësh nga Aleatët dhe partnerët e NATO-s - përfshirë Austrinë, Italinë, Slloveninë dhe Zvicrën - janë bashkuar në përpjekjet për këtë qëllim.
Komanda Logjistike e Ushtrisë Italiane siguroi një ekip prej tre mjekësh që kryen një studim 4-ditor në selinë e KFOR-it dhe bëri një ekzaminim
gjithëpërfshirës të personelit shumëkombësh ushtarak dhe civil të vendosur në atje.
Ekipi këshilloi praktikat më të mira për të zbatuar, në lidhje me trajtimin dhe evakuimin e pacientëve të mundshëm COVID-19 dhe për sjelljet individuale dhe masat higjienike për të parandaluar më tej përhapjen e virusit.
Ushtria italiane po ofron po ashtu një ekip prej nëntë personash nga Regjimenti “Cremona” për mbrojtje kimike- biologjike- radiologjike- bërthamore duke kontribuuar në dezinfektimin aktual të zonave të përbashkëta brenda Forcës së Kosovës të udhëhequr nga NATO, së bashku me personelin dhe asetet e kontribuar nga Austria, Sllovenia dhe Zvicra, nën mbikëqyrjen e Grupit Mbështetës të shtabit qendror të KFOR-it.
Ekipi ka zbarkuar në Prishtinë në javën e parë të majit dhe ka dezinfektuar tashmë seksionin ushtarak të aeroportit, ku trupat dhe ngarkesat e KFOR-it po kalojnë rregullisht.
Specialistët italianë tani do të kryejnë aktivitetet e tyre në objektet mjekësore dhe vendet e akomodimit në kampin Film City, I cili përbën shtabin qendror të KFOR-it.
Pajisjet speciale të Regjimentit të 7-të përfshijnë sisteme të brendshme të dekontaminimit, kostume për të mbrojtur kundër kërcënimeve kimike-biologjike-radiologjike-bërthamore, respiratorë FFP3, doreza dhe sende të tjera të veçanta të mbrojtjes personale.
Kapiteni Paolo Nasto është drejtuesi i ekipit dhe Regjimenti i tij tashmë ka pasur përvoja të ngjashme në Italinë Veriore, si pjesë e task-forcës së ushtrisë italiane e përbërë nga 21 ekipe, disa prej të cilave janë dislokuar edhe jashtë shtetit.
“Në përgjithësi, ne përdorim një zgjidhje prej 0,1% Hypochlorite natriumi, e cila është një përqendrim i duhur për të vrarë virusin. Përndryshe, në disa sipërfaqe ne përdorim etanol. Orari ynë përmban rreth 30 ndërtesa të tëra: po kërkon punë që do të sjellë shumë përmirësime në shëndetin e kampit dhe banorëve të tij,” tha ai.
E gjithë përpjekja e siguruar për javë me radhë nga ekipet e specializuara nga Aleatët dhe partnerët e përmendur të NATO-s do të ketë një ndikim në mbajtjen e objekteve kryesore sigurt dhe të sanitizuara.
“Vëzhgimi mjekësor dhe dezinfektimi i vendbanimeve shumëkombëshe të KFOR-it janë një demonstrim konkret i kontributeve të rëndësishme të dhëna nga Aleatët dhe partnerët e NATO-s në përpjekjet e KFOR-it. Ne po i integrojmë plotësisht këto kontribute në masat parandaluese që ne kemi zbatuar për të parandaluar përhapjen e virusit dhe për të minimizuar me sukses rreziqet për ushtarët dhe civilët tanë, dhe për të gjitha komunitetet që u shërbejmë në tërë Kosovën,” deklaroi gjeneral majori Michele Risi, komandanti i KFOR-it.
Aftësia e KFOR-it për të kryer misionin e vet në përputhje me Rezolutën 1244 të Këshillit të Sigurimit të Kombeve të Bashkuara nuk është zvogëluar.
Në javët e fundit njësitë e KFOR-it kanë vazhduar të kryejnë aktivitetet e tyre të përditshme që synojnë mirëmbajtjen e një mjedisi të qetë dhe të sigurt dhe lirinë e lëvizjes për të mirën e të gjithë qytetarëve në Kosovë, ndërsa miraton të gjitha masat parandaluese të rekomanduara nga Organizata Botërore e Shëndetit në përgjigje të COVID -19, thuhet në komunikatën e KFOR-it.
