Ish-ministri i Drejtësisë Abelard Tahiri ka folur rreth rënies së Qeverisë Kurti, 100-ditëshit të kësaj qeverie dhe vetingut.
Deputeti i PDK-së tha se ishte vetë marrëveshja mes koalicionit qeverisës Lëvizjes Vetëvendosje dhe Lidhjes Demokratike të Kosovës, e cila e ka përcaktuar fatin për rrëzimin e qeverisë pa i bërë as dy muaj.
Tahiri ka thënë se Qeveria Kurti për 100 ditë punë s’ka pasur asnjë sukses, por vetëm sa e ka rikapur shtetin dhe ndërmarrjet publike.
“Kjo qeveri nuk erdhi për të qeverisur, por që të përmbushë egot e njerëzve të fortë të këtyre partive”, ka thënë Tahiri.
Duke folur rreth procesit të vetingut, ish-ministri i Drejtësisë tha se vetingu largon nga sistemi njerëz që kanë të kaluar kriminale ose lidhje familjare.
