Deputetja e Lëvizjes Vetëvendosje, Fitore Pacolli, ka kritikuar deputetët e opozitës, duke thënë se këta të fundit po mundohen që punët e mira të Qeverisë, t’i mbulojnë.
Pacolli tha temë diskutimi në Komisionin për Punë të Jashtme dhe Diasporë, ishte riatdhesimi.
“Çështja e diskutimi në këtë komision ishte çështja e riatdhesimit. Deputetët e opozitës kanë qëllim të vetmin dhe primar që të mbulojnë punën e mirë të Qeverisë që po bëhet dhe po tentojnë që të gjejnë zbrazëtira por edhe të ndryshojnë statistika dhe numra duke dezinformuar qytetarët që puna e qeverisë kinse nuk po bëhet ashtu siç duhet”, tha ajo.
Pacolli tha se Kosova renditet ndër vendet e para në botë, në parandalimin e pandemisë COVID-19.
“Ne e dimë dhe është fakt i pamohueshëm që Kosova renditet ndër vendet e para në botë që ka arritur ta menaxhojë situatën me COVID-19 më së miri që është mundur dhe duke e ditur dobësitë që i kemi si shtet”
“…qoftë si mungesa e pajisjeve shëndetësore por edhe mungesa e stafit shëndetësorë, kemi arritur me punën e palodhshme të qeverisë dhe të mjekëve e institucioneve tjera, ta parandalojmë përhapjen e virusit”.
