​Bajrami: LDK nuk ka kërcënuar Kushtetuesen rreth dekretit të presidentit Thaçi - Bota Sot
​Bajrami: LDK nuk ka kërcënuar Kushtetuesen rreth dekretit të presidentit Thaçi

Aktuale

​Bajrami: LDK nuk ka kërcënuar Kushtetuesen rreth dekretit të presidentit Thaçi

Më: 22 maj 2020 Në ora: 22:40
Hykmete Bajrami

Ministrja në detyrë e Arsimit Hykmete Bajrami është deklaruar në lidhje me pritjet e LDK-së rreth vendimit të Kushtetueses rreth emrit të mandatarit për formimin e qeverisë së re.

Ao ka thënë se LDK-ja nuk ka bërë kërcënime apo presione ndaj Kushtetueses rreth marrjes së vendimit për dekretin e presidentit Hashim Thaçi.

“Askush deri më sot nuk e ka ngritur pyetjen nëse LDK-ja do ta respektojë vendimin e Kushtetuese, pasi kjo parti, pavarësisht vendimit, do ta respektojë atë”, tha Bajrami.

Duke folur rreth mundësisë që të jetë serish ministre e Arsimit në qeverinë e re, Bajrami ka thënë se nuk mund të pohojë apo mohojë një gjë të tillë për momentin.

Ndërsa rreth mbajtjes së testit të arritshmërisë dhe maturës, ajo ka thënë se ende nuk ka data të sakta, pasi gjithçka do të varet nga situata epidemiologjike në vend. 

Shfaq komentet
comments powered by Disqus
Sot mund të lexoni Shfletoni kopertinat