Me fjalët e profetit Muhamed, Haziri kërkon nga qytetarët të qëndrojnë në shtëpi për Bajram - Bota Sot
Me fjalët e profetit Muhamed, Haziri kërkon nga qytetarët të qëndrojnë në shtëpi për Bajram

Aktuale

Me fjalët e profetit Muhamed, Haziri kërkon nga qytetarët të qëndrojnë në shtëpi për Bajram

Më: 23 maj 2020 Në ora: 18:44
Lutfi Haziri

Kryetari i Komunës së Gjilanit, Lutfi Haziri, ka uruar të gjithë besimtarët myslimanë për festën e Fitër Bajramit, e cila është nëser (e diel).

Haziri në këtë urim ka kërkuar nga qytetarët që të festojnë vetëm me familjet e tyre dhe të shmangin vizitat.

“Meqë jemi në kohë pandemie Covid-19, ju lutem shumë që të festoni vetëm me familjet tuaja dhe ta merrni shembullin e profetit Muhamed i cili në raste të tilla infeksioni ka thënë: “Nëse dëgjoni për ndonjë epidemi të murtajës në një vend, mos shkoni atje, nëse ka epidemi në vendin ku ndodheni, mos u largoni”, citohet të ketë thënë Haziri.

Mesazhi i plotë:

Të nderuar qytetarë të komunës së Gjilanit,

Të nderuar bashkatdhetarë kudo që jeni, në Europë, Amerikë e në botë,

I nderuar kryetar i Bashkësisë Islame në Gjilan, Naim Aliu,

Të nderuar imamë të xhamive të komunës sonë,

Më lejoni që t’ju urojë festën e Fitër Bajramit me lutjen që Zoti t’ua ketë pranuar agjërimin, sakrificën dhe mundin tuaj, duke u bërë shembull i solodaritetit me të uriturit, të varfërit dhe ata që sfidohen në jetë.

Është obligim dhe zotim i këtij muaji që po e mbyllim që lutjet dhe solidariteti të vazhdojë për cdo familje. Ne e kemi për obligim qytetar e njerëzor ndaj vetës, familjes dhe ndaj Zotit, që çdokujt t’i ofrojmë sofër të bollshme, mundësi pune e jete të barabart për të gjithë.

Meqë jemi në kohë pandemie Covid-19, ju lutem shumë që të festoni vetëm me familjet tuaja dhe ta merrni shembullin e profetit Muhamed i cili në raste të tilla infeksioni ka thënë: “Nëse dëgjoni për ndonjë epidemi të murtajës në një vend, mos shkoni atje, nëse ka epidemi në vendin ku ndodheni, mos u largoni.

Urime Fitër Bajramin dhe e lusim Zotin që Bajramin tjetër ta festojmë si i ka hije!

Shfaq komentet
comments powered by Disqus
Sot mund të lexoni Shfletoni kopertinat