Sonte, në vendin tonë nuk ka rezultuar asnjë rast me COVID-19, e deputeti i Lëvizjes Vetëvendosje, Fitim Haziri i ka falenderuar të gjithë ata që po kontribojnë që të dalim nga kjo situatë e pandemisë, e sidomos qytetarët.
Në një shkrim në rrjete sociale, Haziri thotë se përkundër që sot festa e Bajramit nuk u festua si zakonisht, lajmi i mirë është që nuk kishte asnjë rast të prekur me COVID-19.
Në reagimin e tij, deputeti Haziri, shton se bashkë do ia dalim – bashkë do festojmë për shumë festa të radhës!
Shkrimi i plotë nga Fitim Haziri:
Edhe pse festa e sotme e Fitër Bajramit, nuk ishte si të tjerat, një gëzim i madh erdhi në mbrëmje.
Zero raste me COVID-19 sot në Kosovë. Ky është një lajm i mirë dhe një rritje e vullnetit që të jemi sa më të kujdesshëm edhe pak kohë sa ka mbetur.
Duke falenderuar të gjithë ata që po angazhohen që të dalim nga kjo situatë e rëndë e pandemisë, sidomos qytetarët, urojmë që festat tjera të Bajramit, t’i festojmë të bashkuar në solidaritet dhe paqe me njëri-tjetrin.
Bashkë do ia dalim – bashkë do festojmë për shumë festa të radhës!
