Veseli viziton familjen e dëshmorëve Ismet dhe Gani Uka në Ticë të Drenicës

Aktuale

Veseli viziton familjen e dëshmorëve Ismet dhe Gani Uka në Ticë të Drenicës

Më: 25 maj 2020 Në ora: 18:00
Kadri Veseli

Me rastin e festës së Fitër Bajramit, kryetari i Partisë Demokratike të Kosovës Kadri Veseli ka vizituar familjen e dëshmorëve Ismet dhe Gani Uka në Ticë të Drenicës.

Veseli ka thënë se ata që kanë dhënë jetën për liri, sikurse vëllezërit Uka, përjetë do të kujtohen me nder e lavdi.

“Me rastin e Bajramit, vizitova familjen e dëshmorëve Ismet dhe Gani Uka në Ticë të Drenicës. Nënë Azizja lindi e rriti dy heronj, të cilët me sakrificën e tyre sublime, janë burim frymëzimi për të gjithë brezat e ardhshëm. Ata që kanë dhënë jetën për liri, sikurse vëllezërit Uka, përjetë do të kujtohen me nder e lavdi”.

“Në Ticë bëmë një ndalesë edhe tek ish-ndërtesa e Spitalit Ushtarak të UÇK-së. Me Sami Lushtakun dhe doktor Fadil Bekën kujtuam kohët e rënda të luftës si dhe fuqinë e madhe shpirtërore me të cilën populli ynë i përballi ato sfida. Po ashtu shkuam edhe në Polac ku vizituam bashkëluftëtarin tonë Naim Kerollin, të cilit i uruam shërim të shpejtë”.

Shfaq komentet
comments powered by Disqus
Sot mund të lexoni Shfletoni kopertinat