Kryetari i Aleancës për Ardhmërinë e Kosovës, Ramush Haradinaj, ka thënë se në zgjedhjet e ardhshme ka mundësi që partia e tij të shkojë garojë bashkë me Lidhjen Demokratike të Kosovës.
“Në zgjedhjet e ardhshme mund të shkojmë bashkë me LDK’në sepse kontratën për qeverisje e kemi me LDK’në”, është shprehur Haradinaj.
“Është e logjikshme ta pyesim njëri-tjetrin fillimisht. Të parin që do ta pyesja se a mund të kemi opsion partneriteti është LDK’ja’, ka thënë Haradinaj në Klan Kosovë.
Tutje, i pari i AAK’së ka thënë se po ta kishte shumicën në qeveri, sot do ta kthente taksën.
“Sot do ta kthenim taksën po ta kishim shumicën në qeveri”, shtoi Haradinaj.
