Deputeti i Kuvendit të Kosovës nga radhët e Lëvizjes Vetëvendosje, Arbër Rexhaj, ka komentuar akuzat e presidentit të vendit, Hashim Thaçi, ndaj kryeministrit në detyrë, Albin Kurti, dhe ministrave të qeverisë së tij.
Thaçi i është referuar Kurtit dhe ministrave të VV’së si “grupi i Kurtit”, teksa ka deklaruar se ata kanë shkelur ligjin dhe duhet të përballen me drejtësinë.
Rexhaj ka thënë se Thaçi duhet të ketë kujdes se çfarë flet.
“Albin Kurti nuk ka grup. Është kryeministër në detyrë”, është shprehur Rexhaj.
“Si president, kur i drejtohet kryeministrit me akuza të tilla, duhet të mbahet mirë”, ka paralajmëruar Rexhaj, Thaçin.
“Duhet të dalë para drejtësisë dhe t’i thotë faktet”, ka shtuar deputeti i VV’së.
