Kandidati për kryeministër të vendit i cili pritet të votohet nga Kuvendi në ditët në vijim, Avdullah Hoti, ka folur pas vendimit të Gjykatës Kushtetuese, vendim ky që i hap rrugë atij të bëhet kryeministër.
Hoti thotë se është koha të bashkohemi për të ardhmen e vendit dhe qytetarëve tanë.
“Bashkë me miqtë tanë strategjikë, SHBA-të dhe BE-në, do të punojmë me përkushtim për jetësimin e aspiratave tona për integrime euroatlantike”, ka thënë ai.
Postimi i plotë:
Si mandatar për kryeministër të Qeverisë së Kosovës, mirëpres vendimin e Gjykatës Kushtetuese. Është koha të bashkohemi për të ardhmen e vendit dhe qytetarëve tanë.
Askush nuk ka humbur. Rimëkëmbja e mirëbesimit në mes nesh dhe respektimi i rendit institucional është detyrë dhe obligim yni i përbashkët.
Bashkë me miqtë tanë strategjikë, SHBA-të dhe BE-në, do të punojmë me përkushtim për jetësimin e aspiratave tona për integrime euroatlantike.