​Tani faturën e ujit mund ta pranoni edhe online

Aktuale

​Tani faturën e ujit mund ta pranoni edhe online

Më: 2 qershor 2020 Në ora: 16:33
KRU "Prishtina"

Kompania Rajonale e Ujësjellësit KRU "Prishtina", ka bërë të ditur se ka lansuar platformën e faturës online, përmes së cilës mund ta bëjnë pagesën online.

Ky është njoftimi i plotë i KRU “Prishtinës”.

Të dashur konsumatorë të KRU "Prishtina" sh.a ,

Ne tashmë kemi lansuar platformën e faturës online, të cilën mund ta keni të gjithë, pa pasur nevojë për pranim fizik të faturës. Brenda kartelës tuaj online, mund të gjeni edhe kodin e faturës, përmes të cilit mund të bëni pagesa me e – banking, shpejt dhe sigurt. Për lehtësim kuptimi dhe çasje, mund të gjeni videon me hapa sqarues dhe konkret për hapjen e llogarisë tuaj, të cilën e gjeni në ëëë.kruprishtina.com.

Ju inkurajojmë të kyçeni dhe të regjistroheni si konsumatorë të KRU”Prishtina”.

Aty mund të shihni kartelën tuaj financiare, shpenzimin e ujit në metër kub, totalin e shpenzimit dhe faturimit, pagesat tuaja paraprake dhe të tanishme , numrin referent për atë cikël të faturimit e cila iu shërben për pagesë me e – banking, etj.

Ju të cilët mund të hasni në ndonjë parregullsi në kartelën tuaj, psh. nëse keni realizuar ndonjë pagesë online përmes bankave komerciale apo institucioneve mikrofinanciare (si shkak i mungesës së ofrimit të informatave gjatë procesit të pagesës, nga ana juaj ) dhe nuk e shihni që është shkarkuar në kartelë, ju inkurajojmë që të prezantoni te ne dëshmitë mbi pagesën e realizuar dhe automatikisht borxhi juaj do të shlyhet nga sistemi. Me të gjitha kapacitetet e punës po mundohemi që çdo ditë të jemi sa më afër kërkesave dhe ankesave tuaja karshi shërbimeve për ujësjellës e kanalizim.

commentFirst article
Sot mund të lexoni Shfletoni kopertinat