Votimi i qeverisë Hoti pa prezencën e mediave, përveç RTK-së - Bota Sot
Votimi i qeverisë Hoti pa prezencën e mediave, përveç RTK-së

Aktuale

Votimi i qeverisë Hoti pa prezencën e mediave, përveç RTK-së

Më: 2 qershor 2020 Në ora: 21:16
Avdullah Hoti dhe Isa Mustafa

Drejtoria për media dhe marrëdhënie me publikun, përmes një e-maili zyrtar ka bërë të ditur se nesër do të mbahet Senaca e Jashtëzakonshme e Kuvendit, e cila do të nis në orën 11:00.

Rendi i ditës do të jetë Zgjedhja e Qeverisë së Republikës së Kosovës.

Në këtë e-mail është dhënë edhe një njoftim lidhur me qasjen e mediave në punimet e seancës, ku ndër të tjera thuhet se prezenca e mediave do të jetë e pamundur, përveç RTK-së.

Ky është njoftimi:

Duke pasur parasysh që e gjithë hapësira e sallës plenare të Kuvendit, përfshirë edhe ballkonin, do të jetë në dispozicion të deputetëve, në respektim të masave të ndërmarra për shkak të situatës pandemike, ju njoftojmë se prezenca mediave në këtë seancë, do të jetë e pamundur.

Duke kërkuar mirëkuptimin tuaj, ju njoftojmë se Kuvendi do të ofrojë linkun e transmetimit të drejtpërdrejtë të kësaj seance, nëpërmjet:

· Ueb faqes së Kuvendit,

· Kanalit zyrtar të Kuvendit në youtube, si dhe

· RTK-së, si medium publik.

Shfaq komentet
comments powered by Disqus
Sot mund të lexoni Shfletoni kopertinat