Tinka Kurti nga Vetëvendosje përmes një postimi në facebook ka mbrojtur liderin e saj Albin Kurtin. Ajo ka thënë se janë disa persona që analizojnë çdo lëvizje gishti të Albin Kurtit qoftë nëse e fshin ballin, kurse para kafshërisë së Hashim Thaçit e ndërrojnë kanalin. Paramendojeni, iu pengonte pse Kurti si kryeministër i përshëndeti protestuesit.
Kurti po ashtu ka thënë se nuk e keni problem që Qeveria do të udhëhiqet prej këtij njeriu e do të përfaqësohet në negociata.
Postimi i plotë:
Janë disa persona që analizojnë çdo lëvizje gishti të Albin Kurtit qoftë nëse e fshin ballin, kurse para kafshërisë së Hashim Thaçit e ndërrojnë kanalin. Paramendojeni, iu pengonte pse Kurti si kryeministër i përshëndeti protestuesit. Shtjellim pas shtjellimi, prej teorisë në teori (thua vërtetë i kanë shku deri në fund një autori) për gjestin që vetë protestuesit e vlerësuan. Ndërkohë, një president mafioz mundëson rrahjen e një djali midis sheshi. Paguan njerëz me rrehë njerëz. Deklaron në TV "jam treguar i butë me të". A e dini çka i bjen kjo në teori dhe praktikë? Mafi kapadai që e ruan pasurinë e tij të vjedhur me zagarë. Dhe asnjë zë? Asnjë shkronjë prej ruajtësve të demokracisë. Edhe një herë, ju nuk e keni problem autoritetin. Të vetmin hall që keni është se jeni larg autoritetit dhe vogëlsia e botës tuaj nuk ua lejon me u bë as autoritet i dijes, as me ndonjë vlerë.
Nuk e keni problem që Qeveria do të udhëhiqet prej këtij njeriu e do të përfaqësohet në negociata.
Prandaj, kur disa flasin për demokraci janë duke e përlloçë këtë fjalë në të gjitha lakimet e saj.