Presidenti i Kosovës, Hashim Thaçi, ka mirëpritur vendimin e Qeverisë për heqjen e reciprocitetit, përcjell Bota sot.
Përmes një postimi në Facebook, ai ka thënë se tani presioni ndërkombëtar duhet të drejtohet nga Serbia, që pa humbur kohë të fillojë dialogu, i cili duhet të përfundojë me njohje reciproke ndërmjet dy shteteve.
Postimi i tij i plotë në Facebook:
E mirëpres vendimin e sotëm të Qeverisë së Republikës së Kosovës për heqjen e të gjitha barrierave, që Serbia deri më sot i ka përdorur si pretekst për bllokimin e dialogut për normalizimin e marrëdhënieve ndërshtetërore ndërmjet shtetit të Kosovës dhe Serbisë. Tani presioni ndërkombëtar duhet të drejtohet nga Serbia me qëllim që pa humbur kohë të rifillojë dialogu, i cili duhet të përfundojë me njohje reciproke ndërmjet dy shteteve. HTH.