Analisti politik, Krenar Shala, përmes një shkrimi në llogarinë e tij në Facebook, ka bërë një tjetër koment lidhur me vendimin e fundit të qeverisë.
Shala duke e folur për heqjen e masës së reciprocitetit, ka thënë se sikurse ta bënte një gjë të tillë ish-kryeministri Albin Kurti, apo kryetarja aktuale e Kuvendit, Vjosa Osmani, Kosova do të digjej nga bandat parapolitike.
“Po m’vjen inati bre nonën. Te kish bo qet gjest Vjosa apo Bini, kto bandat parapolitike me marshin e Arif Vladit menxi s'kishin pritë me kallë Kosovën. Për pushtet, kuptohet, jo qe ja u kish ni”, ka shkruar Krenar Shala në llogarinë e tij në Facebook.
Ndryshe, lidhur me këtë vendim, edhe kryetarja e Kuvendit të Kosovës, Vjosa Osmani ka reaguar ndaj Qeverisë Hoti për heqjen e reciprocitetit.
Ajo në postimin e saj në Facebook, ka shkruar se “ta quash reciprocitetin pengesë do të thotë që ti nuk beson se ke të drejta sovrane, të pavarura e të barabarta, siç janë të parapara në Deklaratën e Pavarësisë e në Kushtetutën e vendit”.
Ndërsa, ish-kryeministri Kurti, ka thënë se edhe të shtunën Qeveria Hoti punojnë e mbajnë mbledhje vetëm dhe vetëm që ta heqin reciprocitetin ndaj Serbisë.
Gjithashtu, Kurti ka shkruar në Facebook, se “në këtë mënyrë, ai ia ka mveshur Kosovës fajin për mungesën e deritanishme të dialogut”.