Nënkoloneli i Forcës së Sigurisë së Kosovës, Afrim Veseli mori një vendim mjaftë të veçantë.
Edhe pse Qeveria e Kosovës mori vendim që për masat emergjente të ndajë Pakon Fiskale Emergjente për stimulimin e punonjësve të sektorëve esenciale që janë ekspozuar më së shumti ndaj rrezikut të infektimit me virusin COVID-19 gjatë situatës së krijuar pandemike, Veseli vendosi të mos e pranojë këtë ndihmë.
Madje nënkoloneli i FSK-së vendosi që paratë e trustit të tij që janë grumbulluar deri tani në vlerë 18 mijë e 250 euro t’ia ofrojë shtetit të Kosovës, pa asnjë kompensim deri në pensionimin e tij.
Afrim Veseli i ka drejtuar një letër kryeministrit të Kosovës, Avdullah Hoti si dhe zv/kryeministrit Besnik Tahiri si dhe zv/ministrit të Financave, Agim Krasniqi.
“Nëse shtetit dhe qeveris sime, i duhet te marre kredi nga jashtë, për ta kaluar vendi jone sa me mire këtë krize, unë ia ofrojë shtetit tim dhe qeveris sime, parat e trustit qe gjate viteve i kam te grumbulluara, ne shume prej 18.250 euro, pa asnjë kompensim, deri ne kohen e pensionimit time. Pra për 12 vite. Atdhe kemi vetëm një, Kosovën tone”, shkroi ndër të tjerash ai.
Ditë më parë, ministrja e Financave, Hykmete Bajrami deklaroi se Qeveria është duke diskutuar me Trustin Pensional të Kosovës që të lejohet tërheqja deri në 10% e kursimeve në mënyrë që të kalohet sa më lehtë nga kriza që ka shkaktuar pandemia.
Letra e plotë e tij:
Zoteri Kryeminister,
Dua ta falenderoje Qeverin tone dhe Juve, per kujdesin dhe masat e nderrmarura per tejkalim te krizes Personalishte nuk dua asnje kompenzim nga shteti im. Me mjafton paga qe marre.
Nese shtetit dhe qeveris sime, i duhet te marre kredi nga jashte, per ta kaluar vendi jone sa me mire kete krize, une ia ofroje shtetit tim dhe qeveris sime, parat e trustit qe gjate viteve i kam te grumbulluara, ne shume prej 18.250 euro, pa asnje kompenzim, deri ne kohen e pensionimit time. Pra per 12 vite.
Atdhe kemi vetem nje, Kosoven tone.
N.Kolonel Afrim Veseli
Forca e Siguris se Kosoves.
