Me shtimin e rasteve të të prekurve me Covid-19, gjatë ditëve të fundit, edhe komuna e Malishevës ka mbledhur Shtabin Komunal Emergjent dhe Komiteti për Mbrojtje dhe Shpëtim, me qëllim të vlerësimit të situatës me pandeminë me COVID-19 në territorin e Malishevës.
Ani pse nuk ka ndonjë rast aktiv në këtë komunë, rritja e rasteve në nivel vendi, sipas kryetarit të kësaj komune Ragip Begaj, paraqet rrezik të përhapjes së virusit, pasi askush nuk është i amnistuar nga ky virus.
“Nga kjo mbledhje doli rekomandimi për të gjithë qytetarët dhe institucionet që të vazhdohet me zbatimin rigoroz të masave në raport me pandeminë”, thuhet në njoftimin e kësaj komune
Tutje u kërkua që të vazhdohet me zbatimin rigoroz të të gjitha rekomandimeve të IKSHP-së, pasi kjo është arma e vetme e parandalimit të përhapjes së virusit.
Ndërsa u rekomandua se persona të cilët nuk përdorin maska, të mos u kryhen shërbimet.
“Krahas institucioneve, edhe sektorët si gastronomia dhe sektorët tjerë, të përdorin maskat dhe masat tjera mbrojtëse, pastaj u kërkua nga inspektorati komunal që të jetë edhe më tepër aktiv në inspektim të zbatimit të masave, si dhe u kërkua nga të gjithë qytetarët, që të zbatojnë rekomandimin e pjesëmarrjes sa më të vogël në ceremonitë e varrimeve dhe në ngushëllime, të cilat ende nuk janë të lejuara të mbahen”, thekson njoftimi.
.