Ish Kryetari i Skenderajit Sami Lushtaku për nder të 18 Qershorit, ka bërë nderime në Kompleksin Memorial ‘’ Adem Jashari’’ në Prekaz dhe më Kompleksin e Dëshmorëve të UÇK-së në Marinë, së bashku me kryetarin e PDK-së Kadri Veseli.
Lushtaku shtoi se ‘’ Bashkëbiseduam edhe me qytetarë të shumtë në sheshin Adem Jashari në Skenderaj. Kujtuam së bashku sakrificën e popullit të Kosovës, luftën e lavdishme të UÇK-së deri në fitore’’.
Postimi i tij i plotë në Facebook
Për nder të 18 Qershorit, Ditës së Çlirimit të Skenderajt, bashkë me kryetarin Kadri Veseli, me bashkëluftëtarë e struktura të Partisë Demokratike të Kosovës, bëmë nderime në Kompleksin Memorial "Adem Jashari" në Prekaz dhe më Kompleksin e Dëshmorëve të UÇK-së në Marinë.
Bashkëbiseduam edhe me qytetarë të shumtë në sheshin Adem Jashari në Skenderaj. Kujtuam së bashku sakrificën e popullit të Kosovës, luftën e lavdishme të UÇK-së deri në fitore.
Lavdi përjetë dëshmorëve e martirëve të kombit të cilët i dhanë jetën lirisë së Kosovës. Mirënjohës përjetë të gjithëve që kanë sakrifikuar për lirinë e popullit.
Kosova e lirë dhe e pavarur, sot duhet të jetë vend i mundësive për të gjithë. E ardhmja jonë është si rezultat i sakrificës të së kaluarës. Të punojmë parreshtur që vend tonë ta bëjmë më të zhvilluar e më të fuqishëm.
SL