Lul Raka: Trendi i rritjes së numrit të rasteve në javën e fundit është shqetësues - Bota Sot
Lul Raka: Trendi i rritjes së numrit të rasteve në javën e fundit është shqetësues

Aktuale

Lul Raka: Trendi i rritjes së numrit të rasteve në javën e fundit është shqetësues

Më: 22 qershor 2020 Në ora: 08:51
Lul Raka

Mikrobiologu i njohur, Lul Raka, ka reaguar në rrjetin social Facebook pas raportimeve për dobësimin e virusit Covid-19.

Ai ka theksuar edhe njëherë ndër të tjerash se koronavirusi nuk është “rrenë”.

Mikrobiologu Raka nuk ka mohuar mundësinë e infektimit të të gjithë personave pa përjashtim.

Reagimi i plotë:

Të dashur qytetarë të Kosovës,

COVID-19 NUK është rrenë! Mund të prek TY ose më të dashurit Tuaj!

Trendi i rritjes së numrit të rasteve në javën e fundit është shqetësues. Shtylla kryesore e përgjigjes ndaj pandemisë është kapaciteti shëndetësor i Kosovës, i cili po ngarkohet disa ditës!

Kësaj rritje i kemi kontribuar të gjithë: qytetarët, të cilët nuk i përfillin fare masat parandaluese. Por, edhe politikanë, të cilët vazhdojnë ta përdorin COVID-19 si monetë për kusuritje të ndërsjelltë.

Qytetarë të dashur, Ju lutem t’i zbatoni këshillat sot, sepse nesër mund të jetë vonë:

1. Mbani distancën fizike kudo dhe gjatë tërë kohës. Kjo është komponenta kryesore në parandalim!

2. Në vendet ku nuk mund të mbahet distancë, vendosni maska!

3. Mbani higjienën e duarve!

Politikanë të nderuar: Ju lutemi kthjelluni, bashkohuni dhe tregoni lidership në këto kohë të vështira.

Parandalimi i sëmundjes është arma e vetme në duart tona!

Vetëm së bashku e përballojmë këtë sfidë!

Shfaq komentet
comments powered by Disqus
Sot mund të lexoni Shfletoni kopertinat