Ministrja e Punëve të Jashtme dhe Diasporës, Meliza Haradinaj-Stublla, të martën priti në takim Ambasadorin e Republikës së Italisë në Republikën e Kosovës, Nicola Orlando.
Në këtë takim të përzemërt, Ministrja Haradinaj-Stublla shprehu mirënjohjen për kontributin e Italisë që nga fillet e ndërtimit të shtetit të Kosovës, dhe për prezencën e trupave italiane të KFOR-it, si kontribuues të stabilitetit dhe paqes rajonale.
Kryediplomatja e Kosovës falënderoi Orlando për zërin e fuqishëm të Italisë pro liberalizimit të vizave për qytetarët e Kosovës, dhe njëherësh u dakorduan për vazhdimin e bashkëpunimit të mëtutjeshëm, strategjik e politik në mes të të dyja vendeve.
