Ernest Luma ish anëtari i AAK-së i ka dal në mbrojtje luftës se Ushtrisë Çlirimtare të Kosovës dhe Hashim Thaçit e Kadri Veselit.
Ai përmes një postimi në facebook ka thënë se UÇK është ADN-ja e pastër e lirisë dhe pavarësisë sonë, kurse Kadri Veseli e Hashim Thaçi janë pjesë e patjetërsueshme dhe qenësore e saj.
Ai ka shtuar se luftën e UCK-së nuk mund ta përlyej askush sado që mund të përpiqen.
Postimi i plotë:
UÇK është ADN-ja e pastër e lirisë dhe pavarësisë sonë, kurse Kadri Veseli e Hashim Thaçi janë pjesë e patjetërsueshme dhe qenësore e saj.
Monstrumë të ndryshëm gjithçka mund të përpiqen të bëjnë, edhe historinë ta lyejnë e përlyejnë, por ashtin dhe ADN-në tonë, kurrë dhe kurrsesi! Ajo është prova themelore e pastërtisë së luftës sonë më të fundit dhe e të gjitha luftërave deri te ajo.
Lufta e UÇK-së ishte vula e ndryshimit epokal te realitetit tonë - nga të robëruar, të poshtëruar e të nëpërkëmbur, në njerëz të lirë e me dinjitet.
E, Veseli e Thaçi ishin bartësit e këtij ndryshimi!
Kaq.
