Pavarësisht situatës me pandeminë, bashkëatdhetarët kanë nisur të vijnë në Kosovë.
Një fluks i madh veturash është parë tek pikat kufitare, posaçërisht tek ajo në Merdare dhe tek Dheu i Bardhë.
Në pritje të bashkëatdhetarëve janë punonjësit shëndetësorë që po qëndrojnë në këto pika, për të kontrolluar gjendjen shëndetësore, me theks të veçantë temperaturën për ata që hyjnë në Kosovë.
Personeli i Qendrës Kryesore të Mjekësisë Familjare ka publikuar disa fotografi të cilët janë në pritje të mërgimtarëve në kufi të palodhur e të përkushtuar.
Nga sot ka hyrë në fuqi edhe vendimi për hapjen e kufijve ajror.