Sot kryeministri i Shqipërisë, Edi Rama po qëndron në Kosovë dhe në axhendën e tij janë takimet me të gjithë krerët e politikës së vendit.
Kjo ardhje e kryeministrit Edi Rama në Kosovë, sipas këshilltarit të Behgjet Pacollit, Naim Murselit është e mirëseardhur dhe se kjo po vjen pas thirrjes së liderit të AKR-së z. Behgjet Pacolli, i cili ditë më parë kërkoi nga Rama e Meta të bashkojnë faktorin shqiptar.
“Ardhja e Kryeministrit Rama sot në Kosovë, në momentin më delikat për Kosovën, pas aktakuzës ndaj presidentit Thaçi, është e mirëseardhur. Kjo vizitë e Ramës në Kosovë, ku në axhendë janë takimet me të gjithë krerët e politikës së saj, vjen pas thirrjes së liderit të AKR-së z. Behgjet Pacolli, i cili ditë më parë kërkoi nga Rama e Meta të bashkojnë faktorin shqiptar. Do të ishte ndihmesë për Kosovën nëse edhe Presidenti Meta do të ishte aktiv në ketë drejtim”, ka shkruar Murseli në Facebook.