Ministrja e Puneve të Jashtme Meliza Haradinaj – Stublla ka mbajtur takim pune me Ministrin e Mbrojtjes Anton Quni, ku kanë diskutuar për vizitën e fundit në Bruksel si dhe për bashkëpunimin mes dy ministrive.
‘’U dakorduam për bashkëpunim të ngushtë në planifikimin e hapave të radhës, për themelimin e Grupit Ndërministror për avancim të integrimit në NATO dhe nënshkrimin e Memorandumit të ri të Bashkëpunimit për shkallën e shërbimit’’, ka shkruar Haradinaj në një postim në Facebook, transmeton ‘’Bota sot’’.
Postimi i saj i plotë në Facebook
Avancimi i rrugës së integrimit të Kosovës në NATO është prioritet i lartë strategjik i yni.
Sot isha në takim pune tek Ministri i Mbrojtjes, z.Anton Quni për të diskutuar për vizitën e fundit në Bruksel, në selinë e NATO-s, si dhe për dinamizimin e bashkëpunimit funksional dhe strategjik në mes të dy ministrive.
Ushtria e Kosovës - e rreshtuar përkrah botës së prirë nga ShBA-të dhe vendet aleate, është sinjal që Kosova po ndërton forcë moderne mbrojtëse, me qëllim ndërveprues me NATO-n.
U dakorduam për bashkëpunim të ngushtë në planifikimin e hapave të radhës, për themelimin e Grupit Ndërministror për avancim të integrimit në NATO dhe nënshkrimin e Memorandumit të ri të Bashkëpunimit për shkallën e shërbimit.