Zëvendëskryeministri i Kosovës, Besnik Tahiri, ka reaguar pas vendimit të Gjykatës Kushtetuese për Ligjin e Pagave në sektorin publik.
Ai në postimin e tij në Facebook, ka shkruar se vendimi i Gjykatës Kushtetuese për anulimin e Ligjit të Pagave është shokues.
Po ashtu, ai ka shkruar se posa ta pranojnë vendimin, do të evitojnë lëshimet që kanë sjellë deri te anulimi i këtij ligji dhe me ngulm do të insistojnë që i njëjti me plotësimet e kërkuara të votohet dhe të hyjë në zbatim me urgjencë!
Postimi i plotë:
Shokues vendimi i Gjykatës Kushtetuese për anulimin e Ligjit të Pagave, pa lënë hapësirë për korrigjimin e tij në ato pak pjesë kontestuese. Ky është mohim të drejtës në përfitim nga puna për mbi 62000 shërbyes civilë.
Policët, punëtorët shëndetësorë, punëtorët e arsimit, e shumë kategori të tjera meritojnë paga, ashtu siç janë paraparë nga Qeveria Haradinaj.
Posa ta pranojmë vendimin, ne do të evitojmë lëshimet që kanë sjellë deri te anulimi i këtij ligji dhe me ngulm insistojmë që i njëjti me plotësimet e kërkuara të votohet dhe të hyjë në zbatim me urgjencë!
