Befason Jakup Krasniqi: Më duhet të pajtohem për herë të parë me Vuçiqin?! - Bota Sot
Befason Jakup Krasniqi: Më duhet të pajtohem për herë të parë me Vuçiqin?!

Aktuale

Befason Jakup Krasniqi: Më duhet të pajtohem për herë të parë me Vuçiqin?!

Nga: M.H Më: 4 korrik 2020 Në ora: 17:22
Jakup Krasniqi

Kryetari i Këshillit Kombëtar të Nisma, Jakup Krasniqi përmes një shkrimi në facebok ka shkruar në lidhje me një reagim të Vuçiqit duke u shprehur që po pajtohet në dy pika me të, transmeton “Bota sot”.

Krasniqi thotë që Hoti ka kërkuar një pikë doganore në Portin e Durrësit dhe se Vuçiq I ka quajtur këto marrëzi e që pajtohem me të pasi sipas Krasniqit pse të ketë një pikë doganore kur mund të bashkohet shqiptarët. Ndërsa për pikën tjetër pajtohet sepse Vuçiq u shpreh që nuk do të takohet për të dialoguer me Kosovën sepse shqiptarët nuk duhet të negociojnë me përfaqësuesit e shtetit që kanë bërë gjenocid në Kosovë.

Postimi i plotë

ME DUHET TË PAJTOHEM PËR HERË TË PARË ME VUCIQIN?!

Gjatë vizitës se Kryeministrit Hoti në Shqipëri, paska kërkuar një pikë doganore në Portin e Durrësit. Kjo kërkesë minore e tij te Vuçiqi paska shkaktuar termet? Merrne me mend, po të kërkonte atë që duhej kërkuar, Bashkimin e shqiptarëve, si do të ndihej Vuçiqi?!!! Hoti e paska kërkuar: “Një pikë doganore për Kosovën në Portin e Durrësit, që ngarkesat drejt Kosovës të mos kontrollohen në pikën doganore të Morinës, pika e daljes kufitare nga Shqipëria në Kosovë”, paska kërkuar Hoti në Shqipëri.

Në këtë deklaratën e Hotit paska reaguar Vuçiqi, duke thënë: “Gjithçka që dëgjoj nga deklaratat e tyre, jam i ngopur me marrëzitë e tyre, ka thënë Vuçiq, që ka komentuar edhe për bisedat e Kosovës me Serbinë. Thonë se po vijnë për të negociuar për njohje të ndërsjellë. Epo, mos ejani fare. Unë nuk vijë të negociojë për këtë. Këtë ua them edhe nënave dhe baballarëve të tyre politikë”. Në fakt Vuçiqi, porosi i paska dërguar edhe vendeve euro-atlantike (SHBA-së e BE-së), por paska harruar të cek se cilët janë prindërit e tij dhe cilit lloj majmuni i përkasin ata?

Është hera e parë që pajtohem me Vuçiqin, për dy çështje që i ka cekur ai. Vërtetë, pse Kosova me kërkuar një pikë doganore, kur mund të bashkohen shqiptarët ne një shtet. Kur të kërkosh të bashkosh diçka, kërkoje bashkimin e së tërës.

Pajtohem gjithashtu me Vuçiqin edhe për çështjen e dialogut dhe vërtetë, pse shqiptarët të negociojnë me përfaqësuesit e shtetit që kanë bërë gjenocid në Kosovë, kanë shkatërruar Kosovën edhe ekonomikisht, ndërsa duke ia vra Kosovës fëmijët edhe në djep, kanë tentuar popullit shqiptar t’ia vrasin ardhmërinë e duke ia dhunuar 20.000 femra kanë dashur ta vrasin e ta shkatërrojnë edhe moralisht.

Prandaj, shqiptarët duhet ta pyesin veten e tyte: a ia vlen të bisedohet me këtë sortë antinjerëzore e cila nuk mund të shkurorëzohet nga kjo farë e keqe majmunesh e mbirë në mesin e njerëzve.

Shfaq komentet
comments powered by Disqus
Sot mund të lexoni Shfletoni kopertinat