Ambasadorja e Finlandës në Prishtinë, Pia Stjernvall, ka reaguar përmes një postimi në Twitter, duke kritikuar kosovarët për moskujdes ndaj koronavirusit.
Ajo ka shkruar se edhe pse shifrat me koronavirus veçse po rriten, askujt nuk është duke i interesuar.
“Dje kalova nëpër Prishtinë, dhe dukej vërtet qytet festiv. Numrat me coronavirus janë duke u rritur shpejt dhe dukej sikur askujt nuk i interesonte. Kini kujdes, ju lutem, nëse jo për vete, për prindërit, gjyshërit, të afërmit e sëmurë etj. Faleminderit dhe respekt për ata që janë në vijën e parë,” është shprehur Stjernvall.
Ndërkaq, numri i personave të infektuar në Kosovë ka kaluar mbi 3 mijë, kurse mbi 600 raste aktive janë vetëm në Prishtinë.
Yesterday I passed by #Pristina city and it was really a party town. #corona numbers are growing fast and no one seemed to be caring! Be careful, please, if not for you, but for you parents, grand parents, sick relatives etc. Thank you and respect for the first responders!!!
— Pia Stjernvall (@StjernvallPia) July 5, 2020
