Kreu i AKR-së, Behgjet Pacolli, ka thënë se ligji anti-covid duhet të vijë urgjentisht në sallën e Kuvendit ashtu si e kërkon Kryeparlamentarja, Vjosa Osmani.
Ai ka shkruar se duhet t’i lejmë mënjanë sherret, llogaritë kur COVID-19 është ulur këmbëkryq dhe mes deputetëve.
‘’Pandemia është rasti më i mirë me qenë bashkë politikisht, nuk fitohen poena politike duke fajësuar shoqishoqin’’, Shkruan Pacolli në Facebook, transmeton ‘’Bota sot’’.
Postimi i plotë në Facebook
Ligji anti-COVID duhet të vijë urgjentisht në sallën e Kuvendit ashtu si e kërkon Kryeparlamentarja, Vjosa Osmani. Le t’i lejmë mënjanë sherret, llogaritë kur COVID-19 është ulur këmbëkryq dhe mes deputetëve.
Ta përkryejmë nëse është nevoja, por të jemi të përgjegjshëm. Pandemia është rasti më i mirë me qenë bashkë politikisht! Nuk fitohen poena politike duke fajësuar shoqishoqin! Ka probleme kushtetuese, financiare, koordinimi që duhen adresuar! Koha nuk pret!
