Osmani e fton Hotin për raportim në Kuvend rreth menaxhimit të pandemisë - Bota Sot
Osmani e fton Hotin për raportim në Kuvend rreth menaxhimit të pandemisë

Aktuale

Osmani e fton Hotin për raportim në Kuvend rreth menaxhimit të pandemisë

Më: 7 korrik 2020 Në ora: 14:42
Vjosa Osmani

Kryetarja e Kuvendit të Kosovës, Vjosa Osmani e ka ftuar për raportim në Kuvend kryeministrin Avdullah Hoti, lidhur me veprimet që i ka ndërmarrë Qeveria në menaxhimin dhe parandalimin e pandemisë.

“Në mbledhjen e fundit të Kryesisë së Kuvendit, ndër të tjera, kemi shprehur shqetësimin tonë lidhur me zhvillimet e fundit rreth menaxhimit të pandemisë në vend. Pas konsultimit me anëtarët e kryesisë, njëzëri jemi dakorduar që t’ju ftojmë për raportim në Kuvendin e Republikës së Kosovës lidhur me këtë çështje”, shkruhet në ftesën e Osmanit.

Osmani i ka kërkuar Hotit që ta njoftojë Kuvendin rreth ditës së raportimit, “por jo më vonë se një javë”.

“Situata pandemike në Republikën e Kosovës është përkeqësuar, duke shkaktuar shifra alarmante të të infektuarve dhe rritje të ndjeshme të numrit të të vdekurve. Vetëm përgjatë pesë ditëve të fundit, në vendin tonë janë konfirmuar 712 raste positive me COVID-19, përderisa kemi edhe mbi 1.600 raste aktive me virus në tërë vendin. Për më tepër, numri total i viktimave nga ky virus përgjatë tri ditëve të fundit ka arritur në 79”, shkruhet në letër.

Shfaq komentet
comments powered by Disqus
Sot mund të lexoni Shfletoni kopertinat