Kryeministri i Kosovës, Avdullah Hoti, ka shprehur ngushëllime për vdekjen e ushtarit amerikan në Kosovë, Alexander Klass, përcjell Bota sot.
Përmes një postimi në Facebook, ai ka thënë se në këto momente të vështira për familjen, ushtrinë amerikane dhe forcat e KFOR-it, u qëndron pranë me ngushëllimet më të sinqerta.
Postimi i tij i plotë në Facebook:
I shpreh ngushëllimet e mia dhe të Qeverisë së Republikës së Kosovës, Komandantit të Forcave të NATO-së në Kosovë, KFOR, Gjeneral Major Michele Risi, për humbjen e jetës së ushtarit të klasit të parë, Alexander Klass.
Në këto momente të vështira për familjen, ushtrinë amerikane dhe forcat e KFOR-it, u qëndroj pranë, duke ju shprehur ngushëllimet e mia më të sinqerta për këtë humbje që na ka lënduar të gjithëve.
Avdullah Hoti