Musliu gjatë tensioneve në ndërmjet Osmanit dhe deputetit të LDK-së: Ky është rezultati i Fitore Pacollit - Bota Sot
Musliu gjatë tensioneve në ndërmjet Osmanit dhe deputetit të LDK-së: Ky është rezultati i Fitore Pacollit

Aktuale

Musliu gjatë tensioneve në ndërmjet Osmanit dhe deputetit të LDK-së: Ky është rezultati i Fitore Pacollit

Më: 11 korrik 2020 Në ora: 00:02
Ganimete Musliu

Deputeti i Lidhjes Demokratike të Kosovës, Xhavit Ukaj i është vërsulur kryetares së kuvendit, Vjosa Osmanit tek karriga e saj në Kuvend.

Derisa situata po tensionohej, deputetja e PDK-së, Ganimete Musliu nga foltorja e Kuvendit dëgjohej duke thënë se Fitore Pacolli e shkaktoi një situatë të tillë.

“Ky është rezultati i Fitore Pacollit”, ka deklaruar Musliu.

E gjitha filloi kur fjalën e mori deputetja e PDK-së, Ganimete Musliu e cila iu drejtua deputetes së VV-së, Fitore Pacollit me një gjuhë të ashpër.

“Fitore, mbylle gojën kur të flas unë… edhe një herë po them, mbylle gojën Fitore kur unë flas, a po don edhe një herë me e thënë. Kur flas unë kur e kërkoj fjalën le të degjojë deri në fund. Nuk është ajo që ma përcakton rendin e ditës edhe fjalën time, pikë”, ka deklaruar Musliu.

Pas kësaj ka reaguar deputeti i LDK-së, Xhavit Ukaj të cilit kryeparlamentarja ja tërheku vërejtjen.

“A po ulesh zotri deputet, a po ulesh edhe mos bërtit, a po ulesh edhe mos bërtit… ulu ose kërkoj prej sigurimit me të qitë jashtë, a kuptove, a kuptove çka të thashë”, ka deklaruar Osmani.

Pas këtyre deklaratave, deputeti i LDK-së , Xhavit Ukaj i është vërsulur kryetares së kuvendit, Vjosa Osmanit tek karriga e saj dhe kjo e fundit e ka ndërprerë seancën.

Shfaq komentet
comments powered by Disqus
Sot mund të lexoni Shfletoni kopertinat