Meliza Haradinaj-Stublla pezullon vendimet e ish ministrit - Bota Sot
Meliza Haradinaj-Stublla pezullon vendimet e ish ministrit

Aktuale

Meliza Haradinaj-Stublla pezullon vendimet e ish ministrit

Nga: E.B Më: 11 korrik 2020 Në ora: 15:32
Meliza Haradinaj-Stublla

Ministrja e Punëve të Jashtme dhe Diasporë, Meliza Haradinaj-Stublla përmes një postimi në rrjete sociale ka njoftuar se ka marrë vendim për pezullimin 7 ditorë  me datën 30 qershor, për të gjitha vendimet jolegjitime të marra nga ish Ministri.

Meliza ka tthënë se kanë krijuar Komisionin për vlerësimin dhe analizimin e të gjitha vendimeve të marra nga ish ministri, shkruan “Bota Sot”.

Ministrja ka shtuar se me synimin e realizimit të parimit ligjor të procesit të rotacionit “një në Shërbim, një në Ministri”, është vendosur që nga Misionet Diplomatike dhe Konsullore këtë vit të kthehen në MPJD pesëdhjetë (50) diplomatë të karrierës.

Haradinaj-Stublla, ka thënë se i gjithë procesi do të përfundoj për pak javë meqë kenë filluar edhe fazën e dytë të rotacionit.

Postimi i plotë:

E vendosur që gjatë këtij mandati, përfundimisht të ketë rend, të respektohen parimet ligjore në rotacionin e munguar të diplomatëve, dhe njëkohësisht të ruhet funksionaliteti i Shërbimit të Jashtëm, me datë 30 qershor 2020 kam nxjerrë vendim për pezullimin 7 ditor të të gjitha vendimeve jolegjitime të marra nga ish Ministri në detyrë.

Menjëherë kemi krijuar Komisionin për vlerësimin dhe analizimin e të gjitha vendimeve të ish Ministrit, duke i studiuar ato rast për rast. Bazuar në rekomandimet e këtij komisioni dhe në kompetencat e mia ligjore, kam nxjerrë vendime të reja, duke përmbyllur fazën e parë të rotacionit në Shërbimin e Jashtëm.

Pikërisht me synimin e realizimit të parimit ligjor të procesit të rotacionit “një në Shërbim, një në Ministri”, është vendosur që nga Misionet Diplomatike dhe Konsullore këtë vit të kthehen në MPJD pesëdhjetë (50) diplomatë të karrierës.

I gjithë procesi do të përfundoj për pak javë meqë kemi filluar edhe fazën e dytë të rotacionit, për të cilën Komisioni po vazhdon punën në propozimet, intervistimet dhe konsultimet për dërgimin në misione diplomatike dhe konsullore ata anëtarë të Shërbimit të Jashtëm që i plotësojnë kushtet për t’u dërguar në mision jashtë vendit.

Me këto vendime përveç kthimit të ligjshmërisë dhe parandalimit të defunksionalizimit të Shërbimit të Jashtëm, po ashtu kam qartësuar gjendjen juridike, e cila rrezikonte shkaktimin e dëmit eventual të pariparueshëm për MPJD-në.

Ritheksoj që asnjëherë, gjatë këtij procesi pjesë e vendimeve të pezulluara dhe vendimeve të nxjerra sot, NUK JANË vendimet e katërmbëdhjetë (14) konsujve të shkarkuar.

I falënderoj diplomatët që kthehen, për shërbimin dhe punën. Pres nga ta që gjithë eksperiencën e tyre në misionet jashtë vendit, t’a sjellin në MPJD, në mënyrë që ta vendosim në lartësinë e duhur, shërbimin dhe politikën e jashtme të shtetit tonë.

Shfaq komentet
comments powered by Disqus
Sot mund të lexoni Shfletoni kopertinat