Kryetari i Degës së Lëvizjes Vetëvendosje në komunën e Lipjanit Avni Jashari, ka njoftuar largimin e tij nga politika.
Ai ka konfirmuar se këtë po e bën për shkak të gjendjes së tij shëndetësore dhe rehabilitimit post-operator, pasi javë më parë pati ndërhyrje kirurgjikale, përcjell Bota sot.
Jashari ka bërë të ditur se deri në zgjedhjet e brendshme, këtë degë do ta drejtojë deputeti i Kuvendit të Kosovës Enver Haliti.
Postimi i tij:
Të dashur familjarë, miq, kolegë e ish/ kolegë.
Më lejoni që me anë të këtij postimi të kumtoj largimin tim zyrtarë nga politika. Me ç ‘rast i liroi të gjitha pozitat që kam brenda Lëvizjes Vetëvendosje. Arsyeja e largimit tim ka të bëjë me gjendjen time shëndetësore dhe rehabilitimit tim post-operator ku javë më parë pata ndërhyrje kirurgjikale.
Qendrën e Lipjanit (Degën) deri në zgjedhjet e brendshme do ta drejton koordinatori, deputeti i Kuvendit të Kosovës, Enver Haliti të cilit i dëshiroi suksese dhe punë të mbarë.
I falënderoi të gjithë aktivistët me të cilët kam bashkëpunuar për dy vite radhazi, ju jem mirënjohës dhe njëkohësisht kërkoj mirëkuptimin e tyre.
Gjatë kësaj kohë do ti përkushtohem familjes, shëndetit dhe profesioneve të mia profesionale.
I juaji: Avni Jashari.