Qeveria ka marrë vendim për mbylljen e çerdheve.
Ky vendim nuk është mirëpritur.
Lidhur me këtë vendim të qeverisë, ka reaguar edhe ish zëdhënësja e Qeverisë Haradinaj, Donjeta Gashi.
Përmes një postimi në Facebook, ajo ka ironizuar, duke i thënë qeverisë bravo, përcjell Bota sot.
"Bravo Qeveria. Se gati kem tu u kënaq me fëmijët n’çerdhe e vet n’kokërr shpine", ka shkruar ajo.
Më pas, Gashi përmes një postimi tjetër, ka thënë se i bën thirrje pronarëve të kafeneve që të që të fillojnë aktivitet të ri- qëndrim ditorë për fëmijët, kapaciteti pranues - njëherësh 50 fëmijë.
Ajo i është drejtuar ministrit Zemaj, duke i thënë se në botë normale merren masa si orar i përgjysmuar, përparësi për prindërit që punojnë dhe numër i përgjysmuar i fëmijëve.
Postimi i saj i plotë:
Thërras pronarët e kafeneve, meqë atyre po vazhdon t’u lejohet puna, që të fillojnë aktivitet të ri- qëndrim ditorë për fëmijët. Kapaciteti pranues - njëherësh 50 fëmijë.
Morali i këtij propozimi: Everybody happy
Hem biznis, hem kujdes
Çerdhja mbyllë, kafet kalavesh
Armend Zemaj - në botën normale janë ndërmarrë kësi masash: orar i përgjysmuar, përparësi për prindërit që punojnë dhe numër i përgjysmuar i fëmijëve. Maska, dezinfektim etj.
