Ministrja e Punëve të Jashtme dhe Diasporës, Meliza Haradinaj-Stublla, sot ka vizituar Qendrën për Promovimin e të Drejtave të Grave në Drenas.
Meliza këtë e quan një vizitë emocionale që dëshmon se plagët janë ende të hapura, shkruan “Bota Sot”.
Ministrja ka thënë se rreth njëzetmijë gra ende nuk e kanë parë dritën e drejtësisë, dhe që rime e Serbisë në Kosovë vazhdojnë të mohohen.
Gjithashtu, ka shkruar se ajo si mministre do të bëjë dhuratë zyrtare të MPJD-së për ato gra që punojnë punëdore.
Postimi i plotë:
Sot vizitova Qendrën për Promovimin e të Drejtave të Grave në Drenas, vizitë emocionale që dëshmon se plagët e Kosovës, ende janë të hapura.
Ndjenjë e trishtë që po na përcjellë tash e 21 vjet nga përfundimi i luftës dhe pasqyrë e saj janë edhe viktimat e dhunës seksuale gjatë luftës së fundit në Kosovë.
Rreth njëzetmijë gra ende nuk e kanë parë dritën e drejtësisë. Krimet e Serbisë në Kosovë, vazhdojnë të mohohen.
Të thyera në çdo mënyrë, këto gra kanë gjetur një forcë: ato punojnë bashkë punëdore- artizanale dhe çdo lule e qëndisur nga to, është një kujtim dhe dhimbje përgjithmonë e vulosur.
Andaj, unë sot, si Ministre e Punëve të Jashtme dhe Diasporës dhe Qendra për Promovimin e të Drejtave të Grave në Drenas, arritëm një marrëveshje: që punimet e tyre do të jenë dhuratë zyrtare e MPJD-së kudo që do të jemi në botë, bashkë me mesazhin për kërkim të së vërtetës, për drejtësi dhe kërkimfalje.
Edhe unë do të jem zëri juaj!