Kryetarja e Kuvendit të Kosovës, Vjosa Osmani, ka prirut sot në takim liderin e Partisë Demokratike të Shqipërisë, Lulzim Bashën.
Me këtë rast, Osmani e ka falënderuar Bashën për qëndrimin e Partisë Demokratike për paprekshmërinë e territorit dhe sovranitetit të Kosovës.
“Bashkëpunimi dhe bashkërendimi i mëtejmë i politikave me gjithë faktorin shqiptar është jetik edhe për avancimin e Kosovës në rrugëtimin e saj euroatlantik”.
Më poshtë mund ta lexoni shkrimin e plotë të saj në Facebook:
Sot, në Kuvendin e Kosovës, mirëprita liderin e Partisë Demokratike, z. Lulzim Basha. Prej kohësh me të kishim bashkëpunim shumë të mirë në procesin e shtetformimit të Republikës së Kosovës dhe konsolidimin e rolit të shqiptarëve në rajon.
E falënderova sidomos për qëndrimin e Partisë Demokratike për paprekshmërinë e territorit dhe sovranitetit të Kosovës.
Bashkëpunimi dhe bashkërendimi i mëtejmë i politikave me gjithë faktorin shqiptar është jetik edhe për avancimin e Kosovës në rrugëtimin e saj euroatlantik. ?? ??
