Ministrja e Punëve të Jashtme dhe Diasporës, Meliza Haradinaj-Stublla, ka zhvilluar një bisedë telefonike me homologun nga Letonia, z.Edgars Rinkēvičs.
Meliza ka falenderuar Letonin për përkrahje ndaj Kosovës, shkruan “Bota Sot”.
Ministrja ka shkruar se e ka rikonfirmuar gaditshmërinë e Kosovës për arritje të njohjes reciproke me Serbinë.
Postimi i plotë:
Zhvillova një bisedë telefonike përmbajtësore me homogolun nga Letonia, z.Edgars Rinkēvičs.
Duke e falënderuar për përkrahjen e hershme që Letonia ka dhënë për pavarësinë e Kosovës, ritheksuam nevojën për thellimin e marrëdhënieve tona dypalëshe, dhe zgjerimin e gamës së bashkëpunimit bilateral.
Rikonfirmova gadishmërinë e Kosovës për arritjen e njohjes reciproke me Serbinë, duke respektuar integritetitin territorial, rendin kushtetues dhe karakterin unitar të Kosovës.
Kërkova që edhe Letonia të jetë zë i fuqishëm, së bashku me shtetet tjera baltike në procesin e liberalizimit të vizave për Kosovën, tani që presim përmbylljen nën presidencën gjermane.